زبونك يمسح ويطلب،
وجواله يرن لما يجهز طلبه

لا، 0%. تدفع اشتراك ثابت لكل فرع، وبس. رسوم بوابة الدفع (Moyasar) تدفعها للبوابة حسب اتفاقك معها، ومِسنَد ما ياخذ منها شي. شوف الأسعار.

لا. يمسح الكود بكاميرا جواله ويفتح المنيو في المتصفح، وما يحتاج يسجّل. وأنت بعد تدير كل شي من المتصفح، من الجوال أو الكمبيوتر.

بطريقتين، وأنت تختار:

عند الكاشير برقم الطلب: كاش أو شبكة على جهازك المعتاد، والكاشير يثبّت الدفع من لوحة الطلبات.

أونلاين: مدى وApple Pay وفيزا وماستركارد عبر حساب مطعمك في Moyasar، والمبلغ يروح لحسابك عند البوابة مباشرة.

إيه، على الآيفون والأندرويد من المتصفح. التنبيه يرن وصفحة الطلب مفتوحة، وفي الآيفون يقدر الزبون يضيف طلبه لـApple Wallet فيجيه «طلبك جاهز!» على شاشة القفل. وحالة الطلب في الجزيرة التفاعلية بالآيفون جاية قريباً.

الفاتورة الضريبية تطلع من جهاز الكاشير، وإيصال مِسنَد مكتوب عليه «ملخص الطلب — ليس فاتورة ضريبية».

مطعمك هو البائع، وهو اللي يصدر الفاتورة الضريبية من نظام نقاط البيع حقه حسب متطلبات هيئة الزكاة والضريبة والجمارك. أما مدفوعات اشتراكك في مِسنَد فتلقاها برقمها في صفحة «الاشتراك» في لوحة التحكم.

إيه، أي وقت من لوحة التحكم. اشتراكك يبقى شغّال لين آخر المدة اللي دفعتها، وما ينخصم منك شي بعدها. وإذا ما جددت، منيوك يبقى للعرض ويتوقف استقبال الطلبات. التفاصيل في سياسة الإلغاء والاسترجاع.

بيانات زبائنك لمطعمك. مِسنَد يعالجها نيابة عنك عشان يشتغل الطلب والتنبيه، وما نبيعها ولا نسوّق عليها.

الزبون يطلب بدون اسم، ويكتب رقم جواله إذا حب بس، والتسويق له موافقة منفصلة واختيارية. وبيانات كل مطعم معزولة عن غيره. التفاصيل في ملحق الخصوصية للمطاعم.

جوال أو كمبيوتر للوحة التحكم والكاشير، وتابلت أو أي شاشة فيها متصفح للمطبخ (اختياري)، وطابعة عادية لأكواد الطاولات. ما تحتاج جهاز خاص ولا تركيب ولا فني.